Question

«Менің арманымдағы қазақстан» эссе, тақырып ашылып жазылса

Answer 1

Мен қасиетті Отанымды риясыз сүйемін, болашағының жарқын болғанын қалаймын. Менің арманымдағы Қазақстан - қаласы мен даласы жарыса дамыған, жаңаша келбетке ие болған, ертегідегідей шаhар. Бұл менің ғана арманым емес, бұл – барша халқымыздың, күллі қазақ зиялыларының, сан ғасырлар бұрын елі үшін шұрайлы мекен іздеген Асан Қайғы бабамыздың арманы. Мен үшін елімнің қазір де, келешекте де қайғы-қасіретсіз, қамсыз өмір сүргенінен асқан бақыт жоқ. Менің елім – кең пейілді, жомарт жүректі, бейбітшілікті ту ететін, үнемі жетістікке жол бастайтын, қиянатқа, зұлматқа, соғысқа, жамандық атаулыға жол бермейтін, қартын қадірлеп, жасын жасытпайтын, әділдіктің ақ жолынан таймайтын, мейірімді де көркем мінезді жандардың, тың жобаларымен, таңғажайып идеяларымен тамсандыратын жалынды жастардың тұрағы. Бір сөзбен айтқанда, менің Тәуелсіз Қазақстаным – жерұйығым. Оның болашақта қазіргіден де құлпыра түсетініне, ұлттық құндылықтарымыз: тіл, дін, салт-дәстүрге сызат түсірмей, өркениеттің елдің қатарынан ойып орын алатынына, ұлы істерге жол бастайтынына, ұлан-ғайыр жерімен, жасампаз ұрпағымен мәңгі жасайтынына кәміл сенемін. Ғылым мен техниканың жетістігін пайдалану арқылы көптеген экономикалық, әлеуметтік, рухани табыстарға қол жеткізетінімізге күмәнім жоқ.