ПОМОГИТЕ!!!!!!!!!!!!!!!!!!!!!!!!!¡!¡¡¡!!!!!!
Ответы
Ответ:
ТЕМА:АТА ЖУРТ
Ата Журт дегенде биз ата конуш, туулуп-өскөн жер,
Ата Мекен сыяктуу түшүнүктөрдү билебиз. Ал ‒ эзелтен
ата-бабабыз жашап өткөн жерди туюндурат.
Мамлекет үй-бүлөдөн куралган сымал, Ата Журт да ар
бир адамдын туулуп-өскөн жеринен, башкача айтканда,
кичи ата мекенинен түзүлөт.
Ар бириңер өз жериңердин чырпыгын ат кылып минип,
түркүн гүлдөрүн терип, көпөлөгүн кууп чоңоюп жатасыңар.
Көйкөлгөн көк шиберине оонап, түркүн куштарынын кубул-
жута сайраганына кулак төшөп, курсант болосуңар. Тоо-
токоюна, ташына, жылдыздуу асманына суктанасыңар.
Туулган жердин кымбаттыгын, асылдыгын айтып түгөтө ал-
байсыңар! «Туулган жердин топурагы ‒ алтын» ‒ деп беке-
ринен айтылбаса керек.
«Ата конуш» аталганы ‒ сенин атаң да ошол жерден ага-
рып-көгөргөн. Ата жолун баласы улантат, ошентип, муун-
дардын өз ара байланышы үзүлбөйт.
Кыргыздарды Орто Азиядагы эң байыркы элдерден деп
жүрүшөт. Аны тарыхтагы маалыматтар, далилдер ырастап
келет. Ошол байыркы баатыр кыргыз элинин ыйык журту ‒
аскасы асман тиреген касиеттүү Ала-Тоо!
Ак мөңгүлүү Ала-Тообуз көзгө сүйкүм, жүрөккө кымбат.
Эзелтеден эле Ала-Тоого көз арткан душман көп болгон.