«Досы көпті жау алмайды...» дегенді қалай түсінесіз? Фразеологизм, мақалмәтелдерді
қолдана отырып, қысқаша әңгіме құрыңыз. Әңгiменiн құрылымын сақтаңыз
(кіріспе, негізгі, қорытынды бөлім).
Ответы
Ответ:
Достық – адам баласының қоғамда өмір сүруі барысында рухани тірек болатын, көзқарастары мен мүдделері ортақ тұлғалардың бір-біріне деген адалдығы мен сыйластығын білдіретін қасиетті ұғым.
Қазақ халқы достықты ерекше бағалаған. Соның ішінде, жақсы дос туралы «Досы көпті жау алмайды», «Адам достарымен мықты, ағаш тамырымен мықты» деп дәріптесе, жаман достар туралы «Ақылсыз достан, ақылды дұшпан артық» деп жаманмен дос болудан сақтандырған.
Сондай-ақ, «Қорқамын дос болуға жаманменен, тар жерде ертоқымын сұрай ма деп» деген жыр-термелерде кездесетін нақыл сөздер халқымыздың достықты ерекше құрметтегенін көрсетеді.
Ұлтымыздың ұлы ойшылы А.Құнанбаевта «Жаман дос – көлеңке: басыңды күн шалса – қашып құтыла алмайсың, басыңды бұлт шалса – іздеп таба алмайсың» деп күні үшін жүрген жаман достарға сипаттама берген.
Сондықтан, қуаныш пен қиындықта қасыңнан табылатын, шаршағанда демейтін, тығырыққа тірелгенде ақыл беретін адал достарды бағалай білейік.