Question

O'tkir Rahmatning hayoti va ijodi va Vatan haqida she'ri

Answer 1

Ответ:

Oʻtkir Rahmat 1948 yili Samarqand viloyati Urgut tumanida tugʻildi. Alisher Navoiy nomidagi Samarqand davlat universitetining filologiya fakultetida, Toshkent davlat yuridik institutida taʼlim oldi. U dastlab ommaviy axborot vositalarida, soʻng masʼul vazifalarda faoliyat koʻrsatdi. Ayni paytda “Xalq soʻzi” va “Narodnoye slovo” gazetalarining bosh muharriri.

Isteʼdodli shoirning “Irmoq” (1987), “Sogʻinch” (1991), “Jilgʻa” (1992), “Rayhon hidi” (1995), “Shukrona” (1997), “Koʻzim qorachigʻi” (1998), “Oy yogʻdusi” (1999), “Ey, umri aziz…” (2003), “Xayol ifori” (2008), “Yurakdagi qush” (2010), “Dilchiroq” (Tanlangan asarlar, 2010), “Xokisor maysa” (2011), “Oʻtli ruh” kabi oʻndan ortiq sheʼriy toʻplamlari nashr etildi.

Oʻtkir Rahmat 1998 yil “Shuhrat” medali, 2009 yilda “Oʻzbekistonda xizmat koʻrsatgan jurnalist” unvoni bilan mukofotlangan.

Объяснение:

TONGDA SHE'R

— Daraxtlar, oy-yulduzdan  

boshqa kimni ko‘rdingiz,

— Tun bo‘yi tik oyoqda

nima qilib turdingiz?

— Yelkamizga mindirib

qushlarni birga yotdik,

— Chug‘urlashib eng avval

tongni bizlar uyg‘otdik!

— Kulayotgan oppoq tong,

yo‘ling poylar qay inson,

— Baxsh etding sen kimga rizq,

kimga esa baxt, imkon?

— Subhidamda eshikda

meni intiq kutganga,

— Sadqa qilib mehrini

do‘stlariga tutganga!

— Oqayotgan anhor-ey,

kimni ko‘zing yo‘l ko‘rdi,

— Erta tongda, aytgin, kim,

sendan kelib hol so‘rdi?

— Sevishganlar parishon

menga aytdi tushini,

— Murodingga yetgin deb,

tiladim baxt qushini!

— Nonni kutarib boshga

ochilgan ey dasturxon,

— Atrofingga kimlarni  

sen o‘tqazding yonma-yon?

— To‘rt ko‘z tugal: ham ota,

ham ona, o‘g‘il-qizni,

— Oftobdayin tafti bor

“Assalom” degan so‘zni!

— Erkalanib maysada

orom topgan shudringlar,

— Sahar chog‘i bu yerdan

o‘tgan kimni ko‘rdinglar?

— So‘nayotgan yulduzlar  

mo‘ltiragan ko‘zlarin,

— So‘ngra dalaga shoshgan

qishlog‘ingning qizlarin!