Question

Сүйінбайдың Тезек төреге жауабы.

Answer 1

Тезек төре:

Жақсы ақын үйге келсе қыдыр-ырыс,

Айтқаны Сүйінбайдың бәрі дұрыс.

Көргенді не де болса, бетке айтатын,

Адамнан сирек туар мұндай туыс.

Сүйінбай, маған сенің өзің керек,

Баршадан ақын болып тудың ерек.

Жарамды жол жүріске ат берейін,

Соны мініп, еліңе қайт ертерек!

Жылкелді мен осында Бапау бар ма,

Мен мінетін әлгі бір сары ат қайда?

Ескі малдың көзіндей бір құт еді,

Соны тауып мінгізгін Сүйінбайға!

Сүйінбай:

Тақсыр-ау, бұл бергенің сары ат па еді,

Аузында бір тісі жоқ кәрі ат па еді?

Кірпігіне қарасам қурап қапты,

Тұсында Абылайдың бар ат па еді?

О, тақсыр, Сүйінбайды деме бекер,

Мұны мініп заман жоқ елге жетер.

Ілесіп Абылайдың бақ-дәулеті,

Мұны берсең менімен бірге кетер.