алемнин екинши устазы шыгарма
Ответы
Шығарма
Әлемнің екінші ұстазы.
Орта ғасырлардағы мұсылмандық Шығыстағы ғалымдардың арасындағы басты тұлғалардың бірі, ұлы ғалым-энциклопедист,философ, астроном,математик,лингвист,музыка,логика зерттеушісі және медик – Әбу Насыр әл-Фараби болып табылады.Біз бір-екі ғылымды игере алмай жүргенде,бұл данышпанымыз талай ғылымның басын қайырып,артына өшпес мұра қалдыра алды.Әл-Фараби әлемнің"Екінші ұстазы" саналды.Ал "Біріншісі" одан бұрын өмір сүрген Аристотель саналды.Алайда,әл-Фарабиді Шығыста "Бірінші ұстазымыз" деп есептеді.
Отырарда дүние есігін ашқан әрі түркі тайпасының дәулетті бір отбасынан шыққан ғұлама кішкентайынан білімге құштар болды.Оның бақытына қарай сол заманда Отырарда аса бай кітапхана бар еді. Әл-Фараби парсы, грек тілдерін үйренеді, осы тілде ғылыми трактаттар оқиды.Ғылыми еңбектерінің ең атақтысы "Қайырымды қала тұрғындарының көзқарастары жайлы трактат" деп аталады. Оның атақты “Музыка туралы үлкен трактат” деген шығармасы әлемнің көптеген тілдеріне аударылған.Әл-Фараби философия саласы бойынша грек ойшылы Аристотельдің "Категориялар", "Метафизика", "Герменевтика", "Риторика", "Поэтика", бірінші және екінші "Аналитика", "Топикасы" және т.б көптеген еңбектеріне түсініктемелер жазды.Білімге құштар жандар Әбу Насырға тыным бермей, бірі келіп, бірі кетіп жатады.Ал ол жазған шығармалар бөлек-бөлек шашылып жатады екен.Еңбектерін ол үлкен дәптерге емес,жеке парақ қағаздарға жазып тастай берген.Сол себепті,көпшілік шығармаларының жеке тараулары мен бөлімдері ғана сақталып қалған.
Ғұлама туралы Ибн Халликон:"Ол мұсылмандардың ең ірі философы саналады, ғылымда ешкім бұл кісінің дәрежесіне дейін көтерілген емес" деген екен.Ия, жетпіске жуық тіл біліп,жүзден аса ғылыми еңбектер қалдырған әл-Фараби есімі әлемнің "Екінші ұстазы" болуға әбден лайық дер едім.