Менің бооашағы мамандығы диалрг
Ответы
Мамандық таңдау деген – өзің айналысқың келетін жұмысты таңдау ғана емес, өзің аралысқың келетін ортаны да таңдау. Адам мамандығын өзі жүрегінің қалауы бойынша таңдауы керек. Бұл әрбір адамның сүйіп, әрі қуана жасайтын ісі және ертеңгі болашағы болып табылады. Мамандықтың жаманы жоқ, бірақ әр мамандықтың қиындығы бар. Бұл жай күнелту ғана емес, үлкен өнерді, зор шеберлікті қажет ететін нәрсе. «Сен де бір дүниеге кетігін тапта бар, қалан!» - деп Абай атамыз айтқандай әр адам өмірде орнын тауып, өзінің қалауымен бір мамандық таңдап, сол мамандықтың иесі болуы керек. Өз ісін жақсы көріп, үлкен жауапкершілікпен атқарғанда ғана адам өзін бақытты сезінеді. Олай болса, мамандықты таңдау – өміріміздің бір кірпішін дұрыс қалау деген сөз емес пе?! Міне, менде бұл өмірдегі бір кірпішімді қалай қалаймын? Менің таңдаған мамандығым халыққа, адамзатқа көмегі болар ма екен деп армандадым. Осындайда «Ұстаз – ұлық емес ұлы қызмет» деген Бауыржан Момышұлының керемет дана сөзін әрқашан есіме аламын. Себебі бұл мамандық иелерінің ешнәрседен хабары жоқ бүлдіршіндердің бойына білім нәрін сеуіп, таудай азамат етіп шығару міндетінің арқасында болып жатқан жетістіктер.
Мен, логопед – мұғаліммін және әртүрлі сөйлеу қиындығы бар балалармен жұмыс істеймін. Жұмысты бастамас бұрын өзіме көптеген сұрақтар қоямын. Маған жүктеген үміт пен міндетті ақтай аламын ба? Қиын дыбыстарды балалар көтере ала ма? Зиянын тигізбей – ақ, балаға қалай көмектесе аламын? Қандай әдістер мен тәсілдерді қолдана аламын? Себебі, кейбір балаларды «ысқыруға» немесе «ысылдауға», кейбір балаларды «ырылдауға» үйретуім керек. Қазіргі таңда логопед мамандығы өте маңызды, себебі тіл кемістігі бар балалар саны жылда өседі, себебі экологияның бұзылуы, ақпараттандырылған технологиялардың дамуы және т.б. осының барлығы баланың тілінің дамуына әсерін тигізеді. Логопед мамандығының жұмысы асқан шыдамдылықты талап етеді. Баламен бірінші күннен бастап оңды байланыс орнату, жұмысымның маңызды сәті болып табылады, себебі жақсы сезіммен алынған білім, мәңгі есте сақталады. Өз сабақтарымда, балаларды әсем және дұрыс ауызша сөйлеуге, дыбыстарды дұрыс айтуға және диалог жүргізе алуға, сонымен қатар, байсалдылыққа және сабырлылыққа үйретемін. Әр күн сайын жаңа икемділік пен дағдыны қалыптастырамыз. Бірақ, бала «ырылдай бастады», «ысылдай бастады» немесе күрделі сөзді дұрыс айта бастаса, өз үшін өтте бақытты. Міне, осындай кішкентай жеңістерден мұғалім – логопедтің жұмысы құрылады. Сонымен қатар, ата – аналарға көп көңіл бөлемін, себебі, логопедиялық жұмыста басты көмекшілер ата – аналар болып табылады. Мұғалім – логопедтің және ата – ананың бірлескен жұмысы, баланы еңбекқорлыққа, талапкерлікке және өз күшіне сенімді болуға тәрбиелейді.
Таудай үйілген әдебиеттер, ашық сабақтар, әріптестердің кеңестері, біліктілікті көтеру курстары, семинарлар, әдістемелік бірлестіктер – осының барлығы түзетушілік жұмысының тиімділігіне және баланың дамуына көмектеседі. Сабақтың әр сәті психикалық функциялардың дамуына мүмкіндік туғызуы керек. Осыған орай мен өз жұмысыма денсаулық сақтайтын технологияларды енгіземін: артикуляциялық гимнастика, саусақ, көру жаттығуларын, сергіту сәтін, логоритмика, кинезиологиялық, релаксациялық жаттығуларын және т.б. Бұл технологиялар мектепке дейінгі балалардың денсаулығын сақтай отыра, сонымен қатар сөйлеу функциялармен байланысқан жүйе және ағза үдерістерді тұрақтандыруға, артикуляцилық, тыныс алу және дауыс бұзылыстарын алдын алуға жағдай жасайды. Сөзсіз, логопедиялық жұмыстың жетістігі мұғалім – логопедтің кәсіби біліктілікке, оның отандық және шетелдік жұмыстармен хабардар болуы, сонымен қатар шығармашылық белсенділікке және ынталылыққа байланыстылығы.