Этноұлттық саясаттың дамуы және қалыптасу кезеңі туралы мәлімет
Ответы
Ответ:
Қазақстан өзінің стратегиялық даму бағытында қоғамның саяси-әлеуметтік тұрақтылығын сақтай отырып, мемлекетті жедел қарқынды түрде дамытуға кірісті. Мемлекеттің құқықтық, саяси, экономикалық даму бағыттарына өзгерістер мен толықтырулар енгізіліп, халықтың әлеуметтік-экономикалық жағдайына, ұлттық келісім мен саяси тұрақтылыққа, ұлттық қауіпсіздіктің орнауына баса назар аударылды. Ішкі саяси бағытта қоғамның тұрақтылығы басты орынға қойылса, сыртқы саясатта ашық әрі жүйелі бағыт ұстанды.
Полиэтносты, поликонфессиялы Қазақстан үшін ең басты мақсат елде қоғамдық келісім мен саяси тұрақтылықты сақтай отырып, тәуелсіздікті нығайту. Ол үшін ең бірінші мемлекеттің ішкі тұтастығына басты назарды аудару қажет. Ішкі біртұтастық пен саяси тұрақтылыққа қол жеткізу үшін елімізде өмір сүріп отырған барлық ұлттар мен этностардың құқықтық, саяси теңдігін сақтау арқылы амалға асырылды. Бұл қазіргі уақытта да мемлекеттің басты ұстанымына айналып отыр.
Қазақстанда этносаралық мәселелерді шешу екі басты кезеңде жүзеге асты. 1991-1995 жылдар – бірінші кезең. Этноұлттық саясат осы таяу уақытта ұлттық мемлекеттің негізін қалыптастыруға, қазақ халқының рухани және басқа ресурстарын шоғырландырды. Этностық топтар арасындағы интеграция қазақ халқының мәртебесін көтеруде және өтпелі кезеңде жас мемлекет етек-жеңін тезірек жинауға, жаңа талапқа бейімделуге мүмкіндік ашты.