Помогите пожалуйста, нужно сочинение на 20 предложений, на белорусском, тема : Роль книги в моей жизни ОООЧЕНЬ СРОЧНО
Ответы
Кніга - невычэрпная крыніца ведаў. Ролю кніг у нашым жыцці складана пераацаніць. Кнігі ўзбагачаюць наш унутраны свет, дазваляючы акунуцца ў розныя эпохі, з кніг мы даведаемся пра лёсы розных людзей, вучымся чаму - альбо на чужым вопыце, а часам і натхняемся на новыя здзяйсненні. Нягледзячы на тое, што ў наш час - час высокіх тэхналогій любую цікавую для нас інфармацыю мы можам маментальна атрымаць з дапамогай інтэрнэту не прыкладаючы ніякіх намаганняў, кніга ўсё роўна застаецца лепшай крыніцай ведаў. І колькі б не казалі пра зручнасць электронных кніг нішто не заменіць "жывую" папяровую кнігу і шолах яе старонак. Кніга становіцца нашым сябрам з ранняга дзяцінства і суправаджае нас усё наша жыццё. Будзь то казкі, якія нам чытаюць у дзяцінстве, мастацкая ці навучальная літаратура, так ці інакш кнігі дапамагаюць нам спазнаваць навакольны свет, чалавечую сутнасць.
Кожная кніга выконвае пэўную місію. Казкі вучаць нас дабру, аказваючы вялікі ўплыў на фарміраванне асобы. Праз казкі мы толькі пачынаем спазнаваць свет. Героі казак становіцца для нас прыкладам для пераймання, выклікаючы жаданне вырасці такім жа смелым, сумленным і справядлівым. Але казкі мы любім чытаць не толькі ў дзяцінстве, часам і даросламу чалавеку неабходна вера ў цуд, якой вучаць нас героі казак. Мастацкая літаратура фарміруе мастацкі смак, наш светапогляд, дапамагаючы лепш разабрацца як у сабе і сваіх пачуццях, так і ў пачуццях і ўчынках іншых людзей. Праліваючы святло на недахопы і заганы людзей, яна вучыць нас адрозніваць дрэннае ад добрага, становіцца падмуркам паняццяў аб маралі і чалавечнасці Вучэбная літаратура з'яўляецца асновай інфармацыйнага забеспячэння ў працэсе адукацыі. Дзякуючы падобнай літаратуры мы чэрпаем веды адносна канкрэтнага прадмета вывучэння, такім чынам яна служыць сродкам навучання. Без кніг не было б ні адукацыі, ні культуры.
Зыходзячы з вышэйпералічанага, хочацца падсумаваць што чытанне - гэта не проста цікавае баўленне часу, кнігі пашыраюць наш кругагляд, фантазію і мысленне, дапамагаюць адцягнуцца ад праблем. Прамяняўшы сядзенне перад тэлевізарам або кампутарам на чытанне кнігі мы становімся багацей духоўна, бо кніга - гэта як кругасветнае падарожжа, якое дорыць масу станоўчых эмоцый і знаёміць нас з культурай, звычаямі і традыцыямі розных краін і народаў пачынаючы са старажытных часоў і дагэтуль.