Продолжи предложение: Бұл - қарлығаш,....
Ответы
Ответ:
Бұл – қарлығаш. Қазақ елінде қарлығашты бейбітшілік пен берекенің символы деп санайды. Қарлығаш өте жақсы ұшады, тіршілігінің көп уақытын ауада ұшып жүріп өткізеді. Су үстінен ұшып бара жатып-ақ су іше береді. Ұшып жүріп қорегін ұстап жейді. Жылына 1, кейде 2 рет 3-7 жұмыртқа салып, балапан басып шығарады.Балапандарына жем iздеуге шығарда ұядан құлап кетпесiн деп, аяқтарын қылмен байлап кетедi. Кейін ұшар кезде сол қылды өздері шешіп тастайды. Қарлығаш мейірімді және бейбітшіл құс саналады. Егер оның ұясына бейтаныс құс кіріп кетсе, оған шабуыл жасамай, басқа ұяға көшіп кетеді. Қарлығаш үнемі азық іздеумен айналысады. Қарлығаштың 79 түрі бар. Қазақстанда оның 5 түрі кездеседі.Қарлығашты қазақ халқы ежелден қасиет тұтқан. Өйткені, ол оба, тырысқақ, безгек секілді жұқпалы аурулар тараған жерге ұшып келмейді. Көмекейімен ән салған қарлығаш, құран сүрелерін шығарады екен. Қарлығаш ұялаған жерге бейбітшілік, береке, бақыт келеді. Қарлығашқа қатысты көптеген ырым-жорамалдар да бар. Мысалы: Қарлығаш биіктеп ұшса - күн ашық болады. Жер бауырлап ұшса - жаңбыр жауады. Қарлығаш жылы жақтан оралған кезде қораға қонса, қой егiз туады. Ақ мол болады. Ал үй жақтауына немесе шатырына қонса, сол үйдiң жан басы көбейедi. Егер, үйдің төбесіне қарлығаш ұя салатын болса, онда бұл отбасыда бақыт пенбереке болады деген ырым бар. Оның ұясын бұзу – үлкен сәтсіздікке әкеледі. Түсінде қарлығаш көрсең, өңіңде бақытқа кенелесің. Аяулы адамды, мысалы, қыз баланы, қарындасты қазақ о бастан «қарындасым – қарлығашым» деп қарлығашқа теңейді. Қарлығаш – әдеміліктің символы. Сұлу қызды қарлығашқа теңеген. Қазақ қыздарының арасында ең көп кездесетін есімнің бірі – Қарлығаш.