Question

Эссе на тему "Цифрландырудың қоғамға әсері қандай?" (100слов)

Answer 1

Объяснение:

Соңты жылдары бұкаралык акпарат кұралдарының беттерінде, интернет жүйесінің кейбір сайттарында цифрландыру жəне цифрлық дипломатия мәселесі туралы мәліметтер жиі кездеседі. Сондықтан осы мәселені қарастыру үшін əлем елдерінің тәжірибелеріне шолу жасауды жəне цифрландыру Қазакстанда кандай деңгейде жүргізілуде екендігін айкындауды жөн деп есептедік.



Мақаланы жазу барысында цифрландыру мәселесі туралы зерттеулерді, мақалаларды, интернет желісіндегі акпараттарды карастырып, оларды сыни тұртыдан баталап, зерттеу барысында «цифрландыру» ұтымы туралы накты бір аныктаманың жок екенін, бірак зерттеушілер [1] мен сарапшылардың көптеген пікірлері бар екенін байкадык. Біздің түсінігімізше цифрландыру — бұл заманауи технологияларды пайдалана отырып, акпараттарды цифрлык калыпка көшіру, түсіру болып табылады.

2016 жылғы «Егемен Қазақстан» газетінде «Цифрландыру туралы не білеміз?» деген мақала жарияланды. Осында «Цифрландыру технологиялары дегеніміз — бұл бұрын-сонды адамзат бастан кешпеген ғажайып әлемнің жаңа құралдары. Қазіргі күні бұл технологиялар жасақталу үстінде. Олар қазірдің өзінде біз тамсанып айта беретін ақпараттық технологиялардың өзін жолда қалдыра бастады» деп жазылған [2] жəне осында мақала авторы атақты футуролог, жапон физигі Митио Какудың: «Цифрлы технологиялардың арқасында адамдар, шартты түрде алғанда, өлместік жағдайға жетуі мүмкін. Мəселен, Альберт Эйнштейн туралы барлық мəлíметтердí жинастыра келе, осы ақпараттардың негізінде оның цифрлы көшірмесін жасап, оны голографиялық бейнемен толықтыруға болады. Ал қазіргі өмір сүріп жатқан адамның, мəселен, сіздің цифрлы болмысыңыз бен тұлғаңызды жасау одан да жеңілдейді. Ол үшін сіздің миыңыздағы барлық ақпараттарды оқиды да, соның негізінде көшірмеңізді жасайды. Сіз өлген кезде бұл егіз-көшірмеңіз сіздің орныңызға өмір сүріп, сіздің мінезіңіздің негізінде дами алады жəне сіздің жадыңызды жаңа таныстықтармен байыта береді» деген қызықты пікірін [2] мысал ретінде келтірген. Шындығында қазір өзгермелі əлемде күн сайын технологиялар өзгерістерге түсіп, жаңару үстінде. Технологиялық трендтер үдерісі өте белсенді түрде дамуда. Ал оларды қуып жету мүмкін еме

Answer 2

Ответ:

Адамзат қауымы жыл санап емес, ай санап, тіпті апта мен күн санап цифр­ландыру заманының сиқырлы әлеміне еніп барады. Цифрландыру технологиялары дегеніміз – бұл бұрын-сонды адамзат бастан кешпеген ғажайып әлемнің жаңа құралдары. Қазіргі күні бұл технологиялар жасақталу үстінде. Олар қазірдің өзінде біз тамсанып айта беретін ақпараттық технологиялардың өзін жолда қалдыра бастады.

Осылайша ертегілер шындыққа айналатын заман келді. Тіпті ата-бабаларымыз ертегілердің өзінде қиялы жетіп бейнелей алмаған жаңа дүниелермен кездесуімізге көп қалған жоқ. Бұл туралы атақты футуролог, жапон физигі Митио Каку былай дейді:  

«Цифрлы технологиялардың арқасында адамдар, шартты түрде алғанда, өлместік жағдайға жетуі мүмкін. Мәселен, Альберт Эйнштейн туралы барлық мәліметтерді жинастыра келе, осы ақпараттардың негізінде оның цифрлы көшірмесін жасап, оны голографиялық бейнемен толықтыруға болады. Ал қазіргі өмір сүріп жатқан адамның, мәселен, сіздің цифрлы болмысыңыз бен тұлға­ңызды жасау одан да жеңілдейді. Ол үшін сіздің миыңыздағы барлық ақпа­рат­тарды оқиды да, соның негізінде көшір­меңізді жасайды. Сіз өлген кезде бұл егіз-көшір­меңіз сіздің орныңызға өмір сүріп, сіздің мінезі­ңіз­­дің негізінде дами алады және сіздің жады­ңызды жаңа таныстықтармен байыта береді».

Жаңа технологиялардың заманы туралы ойларымен аты шығып жүрген жерлесіміз, Ресей Сбербанкінің басқарма төрағасы Герман Греф жуықта өткен Жастар мен студенттердің бүкіләлемдік ХІХ фестивалінде жасаған «Технологиялық трендтер: болашаққа жол» атты лекциясында былай деді:

«Кеше біз әріптесім Джек Ма (ақпараттық технологиялар саласындағы Алибаба Груп компаниясының негізін қалаушы Қытай миллиардері) екеуміз ұзақ әңгімелестік. Ол маған «ақпараттық технологиялар туралы ойлауды ұмытыңыз. Ол – кешегі күн. Бүгінгі экономика дегеніміз – бұл деректер экономикасы», деді. Мен онымен келісемін. Қазіргі digitalization (диджитализация) – бұл соңғы тренд. Бұл трендке көшу дегеніміз – біздің қолымызда өте ауқымды мәліметтерді өңдей алатын жетілген, ақылды технологиялар пайда болды деген сөз».

Герман Греф осылай дей келе біздің ғасы­ры­мыздың оныншы жылдары адамзат­тың ақпараттық дәуірден цифрлы дәуірге өтуі басталғандығын мәлімдеді. Өйткені осы кезеңнен бастап big data технологиялары өзінің кемелдену кезеңіне аяқ басты және бар­лық компаниялар үшін қолжетімді бола түсті. Осының нәтижесінде, мөлшермен алған­да, 2015 жылы көлемді ақпараттарды өң­деп қана қоймай, сонымен қатар оларды сақ­тау­ға мүмкіндік беретін үлкен қуаттар қалып­тасты.

Бір өкініштісі, қазіргі технологиялық трендтер үдерісін қуып жетудің өзі мүмкін емес. Бұл біздің Қазақстанға емес, бүкіл әлем елдеріне қиындық келтіруде. Бірақ, солай болса да, әлемде жаңа пайда болған технологияларды игеруге ұмтылмай отырған ел жоқ деуге болады. Басты қатердің өзі осында тұр. Өйткені бүкіл әлем болып жаңа технология­лары игерудің марафонына қосылды. Мара­фон­ға қосылған екенсіз, енді тұрып қалу жоқ. Тұрып қалсаңыз ескі әлемнің аясында қа­лып кетесіз. Елдер арасындағы дамудың ара­қа­тын­асы осылайша алшақтай түседі. Мұны Ел­басы­мыз жастармен кездесуінде жиі айтуда.

Қазір Қазақстан Үкіметінің ақпараттық тех­но­логияларды игеруді барынша жыл­дам­­дату­ға ұмтылып отырғандығын бай­қауға бо­ла­ды. Өкінішке қарай, жаңа заман­ның а­қпа­рат­­тық технологияларын тара­ту­шы – кең жо­лақ­­­ты интернет желілері ауыл­­дарымыздың бәрі­­не бірдей жеткен жоқ. Осы олқылық таяу уа­қыт­тың ішінде еңсе­ріл­мек. Бұл бізге не үшін қажет? Бүкіл ел болып цифрландыру за­м­а­­н­ына қарай өту үшін қажет. Қазіргі ақпа­рат­­­тық тех­но­­ло­гиялар дегеніміз – цифрлы сана мен тех­­­но­­ло­гияларға қол жеткізудің бас­ты алғышарты.