"Мен программист болғым келеді" тақырыбына эссе жазу
Ответы
Ответ:
Мен программист болғым келеді.
Елбасымыз Нұрсұлтан Әбішұлы Назарбаев: “Жарқын болашақ жастардың қолында” дегендей, біздің болашағымыз өз қолымызда.
Мені өскенде кім боламын, қандай мамандықты таңдаймын деп ойланамын. Мамандық таңдау өміріңнің бір кірпішін дұрыс қалау деп түсінемін. Өзің айналысқың келетін жұмысты таңдау ғана емес, өзің араласқың келетін ортаны да таңдау деген сөз. Өмірде адам мамандық таңдағанда қателеспеу керек. Өмірден өз орнымызды тауып, адал еңбек ету әр адамның арманы деп ойлаймын. Әрине, әр адамның да таңдауы әр түрлі.
Мамандық таңдау - өте жауапкершілікті және маңызды іс. Мамандық таңдауда әр адам өзінің қызығушылығына, қабілетіне, бейімділігіне, қалауына сүйену керек. Қазіргі таңда мамандықтың түрі көп. Таңдау жасау оңай емес. Ең бастысы адам еңбекке қабілетті, зейінді болуы қажет және оның мамандығы өзі өскен ортаға маңызды, бағалы үлес қосатындай болуы шарт.
Менің арманым программист болу. Программист - компьютерге бағдарламалар жазатын адамдар, яғни ғылыми тілмен айтсақ, компьютер программалау тілінде «шығарма» жазатын, болмыстағы мәселелерді компьютер тілінде бейнелей алатын, әрі компьютерді адамдар үшін мүлтіксіз жұмыс жүргізуге бұйрық бере алатын адам.
Программисттердің жұмыстары программалау (бағдарлау) тіліне байланысты әр түрлі болып келеді.
Соңғы кездері техника мен ғаламтордың дамып, өркендеуіне байланысты бұл мамандық иелері аса үлкен сұранысқа ие болып отыр.
Әртүрлі бағдарламалау тілінде табуға болатын табыс көлемі көбіне бағдарламалау тіліне емес, осы бағдарламалау тілін қаншалықты жақсы білетіндігіңізге байланысты. Бағдарламашылардың дәрежесін бастапқы дәреже, орташа және жоғары дәреже деп бөліп қарастыруға болады. Бұл дәрежелер сіздің атқарған жұмыстарыңыз, біліміңіз бен кәсіби тәжірибеңізге сай жоғарылап отырады.
Қазіргі уақытта ең көп сұраныстарға ие программисттердің бірі ол web программисттері. Қазіргі уақытта әр-түрлі компаниялар, оқу орындары, сауықтыру кешендері, т.б. түрлі салада жұмыс жасайтын ұйымдар өз веб-сайттары болғанын қалайды. Осыған байланысты сол веб-сайттарды жасауды ұсынатын компаниялардың да саны көбейіп келеді. Сәйкесінше, бұл компаниялар өз кезегінде осы бағдарламалау тілін білетін жұмысшыларды қабылдап отырады. Бұл саланың қолданылу аясы өте кең. Сондықтан, мамандар тапшылығы байқалады.