Рухани жанғыру туралы эссе
Ответы
Рухани жаңғыру.
Мемлекет басшысы Нұрсұлтан Әбішұлы Назарбаевтың «Болашаққа бағдар:Рухани жаңғыру» атты мақаласы 2017 жылы жарық көріп,жаңа жобалар мен идеяларға бастап апарған еді.Мақаланың басты мақсаты - ұлттық болмысымызды сақтай отырып дамыған отыз елдің қатарына қосылу.Мақала бір-бірінен айырмашылығы бар,бірін-бірі толықтырар алты бағытқа таразыланған.Олар: «Бәсекелік қабілет», «Прагматизм», «Ұлттық бірегейлікті сақтау», «Білімнің салтанат құруы» , «Қазақстанның революциялық емес,эволюциялық дамуы» , «Сананың ашықтығы».Бұлардың әрқайсысының ел дамуында алар орны ерекше.
Бар әлем өрісіндегі әрбір ел өзінің дербестігін сақтап қалу,нығайту үшін тырысуда.Аяулы мекеніміз Қазақстан да өзгелерден қалыспай жаңғыру үстінде.Оған,әрине,елбасымыз бастаған жобаларды атап өтуге болады.Игі жобалар елдігіміздің мәңгі сақталып,тарихты біле отыра болашаққа қарай нық қадам басу мақсатында жасалуда деп білемін.Нұр ағаның: «Жаңа жағдайда жаңғыруға деген ішкі ұмтылыс – біздің дамуымыздың ең басты қағидасы. Өмір сүру үшін өзгере білу керек. Оған көнбегендер тарихтың шаңына көміліп қала береді,»- деген сөзі дәлел бола алады.
Менің ойымша,ұлт үшін рухани жаңғыру ұлттық құндылықтарының еш кіршіксіз сақталып,олардың өткен мен болашақты байланыстыра дамуы.Президентіміз: «Мақсатқа жету үшін біздің санамыз ісімізден озып жүруі, яғни одан бұрын жаңғырып отыруы тиіс.Бұл саяси және экономикалық жаңғыруларды толықтырып қана қоймай, олардың өзегіне айналады,»-дегендей,елбасымыздың идеясымен көптеген жобалар жүзеге асып,қарыштауымызға септігін тигізді.Мысалы: «100 жаңа кітап», « 100 жаңа есім», «Туған жер» тағы да басқа жобалар арқылы сан ғасырлық тарихымызды,ел игілі үшін жұмыс жасап жүрген тұлғаларды танып,өз туған өлкемізде халыққа қолайлы жағдайлар қарасытырылып жатқандығын көрудеміз.
Қорытындылай келе айтарым,елбасымыздың бұл мақаласы арқылы еліміз бір сатыға рухани өсті.Мұхтар Әуезов: "Ел боламын десең,бесігіңді түзе,"- деп кеткендей,әрине,басты назар жастарда,біздерде.Ал мен Нұр ағамыздың дара жолымен өзім секілді жастардың еріп отырыуымен әлі көптеген шыңдарды өткеретіндігімізге сенемін.