қамқор əпке мазмұндама
Ответы
Ответ:
Қамқор әпке
Әпке – бір отбасындағы туысқан қыздардың жас жағынан үлкеніне катысты туыстық атау. Яғни, әпке – қыз балаға анасынан кейінгі жақын адам. Әпкелі – сіңлілі қыздар сырласатын ең жақын құрбылар, анасының қолын ұзартатын қамқоршы, көмекшілер. Әпкенің ісіне қарап, оны үлгі тұтып, ақыл сұрап, тәлім алу – сіңлінің міндеті. Ал әпке сіңлісі үлгі аларлықтай өнегелі эталон болу тиіс.
Біздің отбасымызда апалы – сіңлілі үш қызбыз. Ең үлкен әпкеміз қаламыздағы беделді жоғарғы оқу орындарының бірінде білім алады, оқу озаты, бос уақытында кәсіби би үйірмесіне қатысады. Одан кейін – мен, гимназияның жетінші сыныбында оқимын, бос уақытымда домбыра үйірмесіне қатысамын; және үйіміздің кенжесі – кішкентай сіңіліміз биыл екінші сыныпта оқиды. Үйде ата – анамыз жоқ кездері үлкен әпкеміз бізге бас – көз болып, сабағымыз бен тәртібімізді қадағалап отырады. Үй шаруасын барлығымыз бірлесіп жасаймыз: біріміз еден жусақ, екіншіміз шаң сүртіп, енді басқамыз қоқыс шығарамыз.
Әпкеміздің айтқанын бұлжытпай орындаймыз, әрбір басқан қадамынан үлгі алып отырамыз. Әпкеміз кезінде мектепті «Алтын белгіге» бітіріп, білім грантын жеңіп алған болатын. Әрқашан артынан ерген сіңілдеріне қамқор болып, қол ұшын созуға дайын. Білмегенімізді үйретіп, тіпті кей кездері үй тапсырмасын орындауға да көмектеседі. Осындай қамқор әпкесі бар сіңлім екеуміз өте бақыттымыз. Ойымды Гүлназ Кабулованың төмендегі өлең жолдарымен тәмамдағым келеді:
Әпке деген атыңнан айналайын,
Қамқор болып жүрсің маған лайым.
Бақытты боп жүрейікші біз бірге,
Болса деймін әпкем жақсы сырласым.