бакыт туралы олен шумактары
Ответы
Ответ:
Бақыт деген...
Мұқағали Мақатаев.
Бақыт деген - сенің бала күндерің
Бақытсыз-ақ бақытты боп жүргенің,
Бақытын да, басқасын да білмеуің
Бақытсыз-ақ ойнағаның-күлгенің.
Бақыт жайлы менің мынау білгенім.
Бақыт деген - бірде шаттық, бірде мұң.
Бақытты сол - тәрік етіп түндерін,
Бақыт іздеп азаптанса, кімде-кім.
Бақыт деген - әркімдерде бір арман,
Сол арманның шыққан жері құмардан.
Ал сен үшін бақыт деген - дәл қазір,
Бақыт жайлы жаза алмаған шығармаң.
Бақыт іздеп мал бақ, мейлің, тас қала,
Бірақ, балам, мынаны естен тастама:
Бақыттысың бақыт іздеп сорласаң,
Бақытты боп сорлап жүрсең масқара!
Бақытың - мен, бақытым деп біл мені,
Мені білсең, бақытыңды білгенің.
Ал мен үшін ең бақытты күндерім -
Балам, саған бақыт іздеп жүргенім!
Бақыт.
Сұлтанмахмұт Торайғыров.
Бақыт — құс ұшып жүрген қолға түспес,
Билеуге оны ешкімнің күші жетпес.
Қолыңа құдай айдап бір қондырса,
Барам деп мен анаған ұшып кетпес.
Бақыт.
Нұрлыхан Сейтханов.
Іздемегін Бақытыңды жырақтан,
Біле білсең, Бақыт - сенің бойыңда!
Өмір деген тұрады сан сұрақтан,
Айналдырма қымбат сәтті ойынға!
Бұл өмірден сан ғасырлап көп адам,
Бақыт сырын өтіп кеткен біле алмай.
Бақытты олар сырттан іздеп, сандалған,
Уақытын жоғалтып ап, күле алмай!
Бақыт деген адамның өзінде екен
Ақ жолыңды биікке жалғайды екен.
Ойы жақсы адамның көзінде екен,
Бақытың сенен өкшелеп, қалмайды екен.